لفت نظري الجدال الذي صاحب موضوع نقل تمثال رمسيس التاني من مكانه بميدان رمسيس الى المتحف المصري بطريق مصر اسكندرية
والحقيقة انا لا أفهم وجهة نظر المعترضين على التكلفة الباهظة لعملية النقل
اليست هذه حضارتنا التي يجب ان نحافظ عليها وننفق عليها الغالي والثمين
حتى اذا ما جاء السائحون الى بلادنا وجدوا ما يشاهدون
ومشاهدتهم تتحول الى دولارات للدخل القوي
فلماذا يتذمر المتذمرون ويثور الثائرون ؟
لماذا ؟
لأن ميدان رمسيس سيكون ميدان أي حد تاني *
لأن دولارات السائحين التي هي جزء من الدخل القومي تذهب الى بنوك سويسرا ولا نستفيد منها بشئ
لأن الملايين الستة اللي اتصرفت كان ممكن تكون زيادة في مرتبات الموظفين الغلابة
طب هما هيعملوا ايه بالفلوس هيكلوا بيها
ان شا الله ما طفحوا
وهيعلجوا بيها عيالهم المرضى
طب لو عيالهم ماتوا من المرض يكون اريحلهم
أوعوا تقولوا يصرفوهم على تحسين المستشفيا الحكومية
طب ونقلل من الكثافة السكانية ازاي لو الناس اللي في المستشفيات شفيت
ايه ايه على المدارس
احمدوا ربنا انكم بتتعلموا اصلا
بس بس بس
مهما قلتوا مش هقتنع
ده يا جماعة رمسيس التاني يعني فرعون موسى
صحصح عمو حواس قال انه مش هو
بس احنا عارفين انه هو
يعني فرعون معزة خاصة يبقى ازاي ما نحتفلش بيه في موكب عام ونحطه فوق راسنا لو ممكن
لأ لأ لأ لأ
فلسطين ايه ولبنان ايه انتوا اكيد اتجننتوا
يعيش رمسيس التاني
من المغرب
السلام عليكي يا اختي في الله
الله يعينك على تربيةاولادك واسعاد بيتك الله معك
اما بخصوص رمسيس فهدا رمسيس لا يقابله اي كان
فمادا سنفعل بلبنان وفلسطين والعراق والمسلمين اجمعين فلا حاجتنا بهم فحاجتنا يتمتال الدي صنعوه مع احترامي لترات ولتاريخ
هده هي الحقيقة التي يجب ان نعرفها
واخير اشكرك على زيارتكي التي زادتني تكليفا قبل ان تشرفني اختي
حياكي الله وجعلك دخرا لوطنكي ولامتكي وللمسلمين اجمعين
اعتدر عن الاطالة في مملكتكم الموقرة
ابراهيم